НОВОСТИ

"Günay Sığorta" minimal sığorta haqqı olan yeni məhsulunu təqdim etdi.

      “Günay Sığorta” Azərbaycan sığorta bazarı üçün sərfəli olan və maksimum dərəcədə hər kəsin büdcəsinə uyğun olan fərdi qəza sığorta məhsulunu təqdim edir. Məhsulun yaradılmasında əsas məqsəd vətəndaşları gündəlik həyatda baş verə biləcək riskləri təminata alaraq minimal məbləğə sığortalamaqdır.
Sığorta məhsullarının qiyməti müştərilərin daim narazıçılığına səbəb olur. Bunun üçün minimal sığorta haqqı olan sığorta məhsulları vətəndaşlar da maraq yaradır.  
      İstənilən şəxs cüzi sığorta haqqı ödəməklə bu məhsulu əldə etmək imkanı qazanacaq. Verilən sığorta haqqı qarşılığında sığortalanan şəxs böyük məbləğdə sığorta təminatı əldə edəcəkdir. 
       Fərdi qəza sığortası partlayış, yanğın, donma, elektrik cərəyanı, ildırım, gün vurmanın təsiri, cani hücumu, heyvanın hücumu, hansısa əşyanın və ya sığortalının yıxılması, qəfildən boğulma, təsadüfi olaraq tənəffüs yollarına yad əşyanın düşməsi, zəhərli bitkilər, kimyəvi maddələr, keyfiyyətsiz yeyinti məhsullarla təsadüfi olaraq kəskin zəhərlənmə, həmçinin nəqliyyat vasitələrinin (avtomobil, qatar və s.) hərəkəti və ya qəzası kimi xoşagəlməz hallar zamanı sığorta təminatı verir. Bu risklər üçün sığorta limitindən asılı olaraq sığorta haqqı 5 azn və 10 azn dir. 
        Nəzərə alsaq ki, artıq yay fəsli yaxınlaşır və bu fəsildə kütləvi zəhərlənmə halları, gün vurma, regionlarda heyvan hücumu (ilan sancması və s.) və s. kimi xoşagəlməz hallar çoxalır. Həmçinin yol nəqliyyat hadisələri də gündəlik həyatımızın ayrılmaz hissəsinə çevrilib. Nəticədə bu kimi hallar Fərdi qəza sığortasını aktual edir. 
Fərdi qəza sığortası ilə həm fiziki şəxslər özlərini, həmçinin şirkət rəhbərləri öz əməkdaşlarını sığortalaya bilərlər. Məhsul sığortalılara 2500 azn və 5000 azn sığorta limiti təqdim edir.